کراچی(آن لائن) پولیس کی کراچی کے مختلف علاقوںمیں کاروائیاں، 2 شہری زخمی پولیس اہلکاروں پر فائرنگ میں ملوث ملزم سمیت 13 گرفتار۔ پولیس نے ایک کارروائی کے دوران دلدار عرف ڈو بنگالی کو گرفتار کرلیا۔ زمان ٹاؤن پولیس نے2 ملزمان نور محمد اور شاہد کو گرفتار کرکے قبضے سے اسلحہ اور منشیات برآمد کرکے مقدمہ درج کرلیا۔بھٹائی کالونی بسم اللہ شاپنگ سینٹر کے قریب موٹر سائیکل سوار مسلح ڈاکوؤں نے لوٹ مار کے دوران مزاحمت پر فائرنگ کرکے2 افرادکو زخمی کرکے فرار ہورہے تھے۔ پولیس اہلکاروں نے موقع پر پہنچ کر ایک ملزم ریاض کو گرفتار کرکے قبضے سے اسلحہ برآمد کرلیا ملزم کے دیگر 2 ساتھی فرار ہونے میں کامیاب ہوگئے۔