جہلم، فیصل آباد (نامہ نگار، اے پی پی) میجر اکرم شہید نشان حیدر کا اڑتالیسواں یوم شہادت عقیدت و احترام سے منایا گیا۔ محمد اکرم شہید نے 5دسمبر 1971کو ہیلی کے مقام پر دشمن کا مقابلہ کرتے ہوئے جام شہادت نوش کیا۔ تقریب کے مہمان خصوصی، بریگیڈئیر (ر) محمد ممتاز ملک تھے، اس موقع پر فور ایف ایف رجمنٹ کے چاک و چوبند دستے نے سلامی پیش کی۔ مہمان خصوصی بریگیڈیئر (ر) ممتاز ملک لیفٹیننٹ جنرل عامرعباسی جبکہ میجر جنرل شاہد امتیاز نے چیف آف آرمی سٹاف جنرل قمر جاوید باجوہ کی طرف سے یادگار پر پھول چڑھائے۔ فیصل آباد سے اے پی پی کے مطابق 1965ء کی جنگ کے مایہ ناز جانثار میجر شبیر شریف شہید نشان حیدر کی 54ویں برسی آج 6دسمبر بروزجمعہ کو انتہائی عقیدت و احترام سے منائی جائے گی جبکہ اس موقع پر اعلیٰ فوجی، سول و انتظامی اور سیاسی حکام شہید کی آخری آرام گاہ پر حاضری، پھولوں کی چادریں چڑھائیں اور فاتحہ خوانی کریں گے۔