اسلام آباد(خبر نگار) آزاد کشمیر ، گلگت بلتستان سمیت ملک کے مختلف علاقوں میں بارش ہوئی جس کے باعث سردی کی شد ت میں اضافہ ہوگیا اسلام آباد اور راولپنڈی میں طویل خشک موسم کے بعد موسم سرماکی پہلی بارش سے موسم خوشگوار ہوگیا ہے  سوات کے میدانی علاقوں میں بارش اور بالائی علاقوں میں برفباری سے موسم سرد ہوگیامینگورہ شہر، سیدو شریف اور ملحقہ علاقوں میں وقفے وقفے سے بارش کا سلسلہ جاری رہا بالائی علاقوں کالام اور مالم جبہ میں برفباری کے باعث سردی کی شدت بڑھ گئی ہے ۔