کھڈیاں خاص (نامہ نگار)کھڈیاں میں جگہ جگہ کوڑا کرکٹ کے ڈھیر۔ٹائون کمیٹی چوک، تھانہ روڈ،سعید جاوید ہسپتال روڈ مچھلی منڈی بن گیا۔میونسپل کمیٹی کا عملہ گلی محلہ کے مسائل حل کرانے سے قاصر۔تفصیل کے مطابق شہر بھر میں جگہ جگہ گلی محلوں میں کوڑا کرکٹ کے ڈھیر لگ گئے ہیں۔شہر کے داخلی وخارجی روڈ ٹاون کمیٹی چوک، تھانہ روڈ سڑک پر مچھلی والا گندہ بدبودار پانی کھڑا ہونے سے تعفن پھیل رہا ہے صفائی نہ ہونے کی وجہ سے پیدل چلنے والے اور موٹرسائیکل سوار شدید پریشان ہیں ۔علاقہ مکینوں نے کہا میونسپل کمیٹی کا عملہ چند منظور نظر افراد کو نوازنے کیلئے متحرک ہے گندگی اور بدبو کی وجہ سے تعفن سے سانس لینا بھی دشوار ہوگیا ہے۔