ہر قدم شہر کی ترقی کیلئے اٹھتا ہے پراپیگنڈے سے حوصلے پست نہیں ہونگے: تصدق محمود، وقار چٹھہ

علی پورچٹھہ(نامہ نگار )ہر قدم شہر کی ترقی، خوشحالی اور بہتری کیلئے اٹھتا ہے، منفی پراپیگنڈے سے حوصلے کبھی پست ہوئے نہ ہونگے بلکہ ارادے مزید مضبوط ہوتے ہیں ان خیالات کا اظہار سٹی صدر پی ٹی آئی تصدق محمود بٹ، سیکرٹری وقار احمد چٹھہ ،شہباز احمد قریشی ایڈووکیٹ اور دیگر نے جناح ہال میں ہنگامی پریس کانفرنس سے خطاب کرتے ہوئے کیا انہوں نے کہا کہ بعض افراد معمولی باتوں کو ایشو بنا کر پوائنٹ سکورنگ کی ناکام کوشش کرتے ہوئے اپنی سیاست چمکانا چاہتے ہیں،لیکن ہم نے ہمیشہ اپنے شہر، اپنے لوگوں کی فلاح و بہبود  کیلئے کام کیا ہے ہمیشہ اخلاقی طور پر تعاون کا ہاتھ بڑھایا، پارٹی وابستگی سے ہٹ کر ہر اچھے کام کی حوصلہ افزائی کی لیکن دوسری جانب سے منفی سوچ کا مظاہرہ کیا گیا،  حلقہ میں ترقیاتی کاموں کا ذکر کرتے ہوئے کہا کہ کوآرڈینٹر وزیر اعلیٰ پنجاب محمد احمد چٹھہ کی قیادت میں ترقی کا سفر جاری رہے گا۔کلاسکے، علی پور چٹھہ ،قادرآباد روڈ کی تعمیر تیزی سے جاری ہے، سٹیڈیم کی تعمیر میں پیش رفت، میونسپل کمیٹی کیلئے سکر مشین کی منظوری، شہر کی خوبصورتی بحال کرنے کیلئے پختہ گلیوں کی تعمیر، سٹریٹ لائٹس کی تنصیب اور دیگر بے شمار منصوبوں پر کام جاری ہے۔