جابسے ہیں گورے کالے خان انگلستان میں 
رہ گئے ہم جیسے پاٹے خان پاکستان میں 
بے ہْنر اعٰلی مناصب پر ہیں فائز کچھ جگہ
بات یہ چْپکے سے کوئی کہہ گیا ہے کان میں 
لطف وہ برگر یا پیزے میں کہاں ہوگا کوئی 
جو مزہ تندور کے کلچْے میں ہے یا نان میں 
یوْں کچن اْن کا بنا ہے ذائقوں کا مستقر 
اْونٹ نے جیسے چھپا رکھا ہو کچھ کوہان میں 
جانے اپنے دیس کو یہ لگ گئی کس کی نظر 
زندگانی کا ہر اک شعبہ ہے امتحان میں    
   سیروتفریخ کے لئے لے چل ہمیں بھی ایک دن 
  اپنے خطے کے کسی کاغان میں ناران میں  
       بدلیوں میں سب بگولوں کو بدل کر اے ضیاء            
            ایک دن برسائیں گے صحرائے چولستان میں 
                                                                 (    شرافت ضیاء  اسلام آباد )