پی سی بی پر دباؤ، محمد یوسف پچ مشن پر ملتان پہنچ گئے

ملتان (ا سپورٹس رپورٹر) پاکستانی ٹیم انگلینڈ کیخلاف سیریز جیتنے کے مشکل مشن کا سوچ رہی ہے ۔ پی سی بی حکام کو اب ملتان ٹیسٹ کی فکر لاحق ہے۔ محمد یوسف ہیڈکوچ ثقلین مشتاق اور کپتان بابر اعظم کے کہنے پر مشن امپوسیبل کے لیے ملتان پہنچ گئے ۔جبکہ پاکستان اور انگلینڈ کی ٹیمیں منگل کو ملتان پہنچیں گی، مشن کامقصد پچ بنائو،میچ بچائو ہے۔مصدقہ ذرائع کا کہنا ہے کہ سابق کپتان یوسف پچ کی تیاری میں چیف کیوریٹر آغا زاہد اور مقامی کیوریٹر کو اپنی رائے سے آگاہ کریں گے۔پنڈی ٹیسٹ میں پچ پر ہونے والی تنقید کے بعد پی سی بی پر کافی دبائو ہے، ٹیم انتظامیہ اور پی سی بی ایسی پچ بنانا چاہتے ہیں جس پر پاکستانی بولروں کو ایڈوانٹیج ملے۔