کراچی(اسپورٹس ڈیسک)ساؤتھ ایشین بلیئرڈ اسپورٹس ایسوسی ایشن کے انتخابات میں پاکستان عالمگیر اے شیخ صدر ، بنگلہ دیش کے سید محبوب چیئر مین منتخب ہو گئے۔ ساؤتھ ایشین بلیئرڈ اسپورٹس ایسوسی ایشن (SABSA) کی کونسل میٹنگ دوسری سارک سنوکر چیمپئن شپ 2022 کے دوران ڈھاکہ میں منعقد ہوئی جس میں ایگزیکٹو بورڈ کا اعلان کیا گیا جس میں متفقہ طور پر 4 سال کی مدت کے لیے سبسا کی خدمت کے لیے سید محبوب بنگلہ دیش چیئرمین،عالمگیر اے شیخ پاکستان صدر و سی ای او،محمد عبداللہ بنگلہ دیش کے نائب صدر،ضیغم حسین سری لنکا خزانچی، سنیل بجاج بھارت سکریٹری جنرل بلا مقابلہ منتخب ہوئے ۔ اجلاس میں واحد اصغری افغانستان، سروج کمار ملّی نیپال نے بھی شرکت کی۔