کراچی(پی پی آئی) پاک فوج کے ہیرو میجر محمد اکرم شہید نشان حیدر کا 51 واں یوم شہادت منایا گیا۔ مختلف شہروں میں منعقدہ تقریبات میں انہیں خراج عقیدت پیش کیا گیا۔میجر اکرم شہید 14 اپریل 1938 ءکو جہلم کے علاقہ پنڈ دادن خان میں پیدا ہوئے۔ان کے والدملک سخی محمد بھی پاک فوج میں حوالدار تھے۔میجر محمد اکرم نے دسمبر 1971ءکی پاک بھارت جنگ میں محاذ پر تعیناتی کے دوران دشمن کے ٹینک تباہ کرکے ان کو بھاری نقصان پہنچایا ،میجر محمداکرم 5 دسمبر 1971 ءکو بہادری سے لڑتے ہوئے جام شہادت نوش کر گئے۔ وہ مشرقی پاکستان موجودہ بنگلا دیش میں مدفون ہیں انہیں پاکستان کے سب سے بڑے فوجی اعزاز نشان حیدر سے نوازا گیا۔
میجر محمد اکرم