کرسمس تقریبات کےلئے فول پروف سیکورٹی انتظامات ےقےنی بنائے جائےں

راولپنڈی (جنر ل رپورٹر ) راولپنڈی کی مسیحی برادری نے کرسمس پروگراموں کے دوران فول پروف سیکورٹی کا مطالبہ کیا ہے اور کہا ہے کہ مسیحی برادری کا ملکی ترقی میں کلیدی کردار ہے لہٰذا کرسمس جشن تقریبات کو ضلعی حکومت اور پولیس ڈیپارٹمنٹ مکمل سیکورٹی فراہم کرے آرچ بشپ راولپنڈی اسلام آباد ڈاکٹر جوزف ارشد کے نمائندہ خصوصی برائے بین المذاہب ہم آہنگی بابو ساجد امین کھوکھر نے کہاکہ راولپنڈی کی مسیحی برادری نے کرسمس تقریبات کا باقاعدہ آغاز کردیا ہے جس میں یومیہ بنیادوں پر دعائیہ سروسز منعقد ہوں گی اور مسیحی برادری شرکت کرے گی انہوںنے کہاکہ ہم راولپنڈی پولیس اور ضلعی انتظامیہ سے مطالبہ کرتے ہیں کہ گذشتہ برسوں کی طرح رواں برس بھی مسیحی تقریبات کے دوران فول پروف سیکورٹی انتظامات کو یقینی بنایا جائے۔