کراچی (آئی اےن پی) پاکستان کاٹن جنرز ایسوسی ایشن نے رواں سیزن کیلئے کپاس کی آمد کی رپورٹ جاری کر دی۔ تفصیلات کے مطابق یکم فروری تک جنرز کو ایک کروڑ تئیس لاکھ اٹہتر ہزار بیلز کپاس موصول ہوئیں۔ جو گزشتہ سال اسی عرصے کے مقابلے نو فیصد کم ہیں۔ گزشتہ سیزن میں یکم فروری دو ہزار بارہ تک جنرز کو کپاس کی ایک کروڑ چھتیس لاکھ پندرہ ہزار بیلز موصول ہوئی تھیں۔ پاکستان کاٹن جنرز ایسوسی ایشن نے کہا کہ کپاس کی چودہ لاکھ اڑتیس ہزار بیلز کے غیر فروخت شدہ سٹاک میں تیس ارب روپے کا سرمایہ پھنس گیا۔ دوسری جانب بینک بھی قرضے کی حد بڑھانے پر تیار نہیں۔