ہوانا (اے پی پی) فرانس کے سپائیڈر مین الین روبوٹ نے سینکڑوں لوگوں کی موجودگی میں کیوبا کے دارالحکومت ہوانا کے 27 منزلہ مشہور ہوٹل لبرے ہوٹل کو بغیر کسی سپورٹ کے سر کر کے نیا ریکارڈ قائم کر دیا۔ 50 سالہ الین روبوٹ جو کوالالمپور کے مشہور ٹاور پیٹروناس اور سان فرانسکو کے گولڈن گیٹ برج سمیت دنیا بھر کی متعدد بلند و بالا عمارتوں کو سر کرنے کا ریکارڈ قائم کر چکے ہیں۔ انہوں نے گزشتہ روز ہوانا کے لبرے ہوٹل کی 27 منزلہ عمارت پر بغیر کسی سپورٹ کے چڑھنے کا فیصلہ کیا۔ الین روبوٹ نے عمارت کی بالکونیوں کی مدد سے اوپر چڑھنا شروع کیا تو قریبی گلیوں اور سڑکوں پر سینکڑوں افراد ورطہ حیرت میں مبتلا ہو کر دیکھتے رہے جن کے چہروں پر خوف کے واضح آثار موجود تھے۔