امریکہ: گھر سے خاتون، بچے سمیت6 افراد کی نعشیں برآمد، چاقو سے قتل کیا گیا:پولیس

شکاگو (آئی این پی) امریکی ریاست شکاگو کے ایک گھر سے 6 نعشیں برآمد ہوئی ہیں، پولیس کا کہنا ہے کہ تمام افراد کو چاقو مارکر قتل کیا گیا۔ غیر ملکی میڈیا کے مطابق چھ افراد کی نعشیں شکاگو کے ساؤتھ کیلیفورنیا اوینیو کے گیج پارک گھر سے برآمد ہوئیں ہیں۔ شکاگو پولیس کو شام پانچ بجے کے بعد ایک نامعلوم ٹیلیفون کال موصول ہوئی تھی۔ پولیس کے مطابق گھر سے چار مردوں‘ خاتون اور ایک بچے کی نعشیں ملی ہیں جنھیں ہسپتال منتقل کر دیا گیا ہے۔ پولیس نے واقعہ کی تحقیقات شروع کر دی ہے۔