نئی دہلی (نیوز ڈیسک) بھارت کی بڑی اپوزیشن جماعت انڈین نیشنل کانگریس کے نائب صدر راہول گاندھی نے وزیراعظم نریندر مودی کو پھر کڑی تنقید کا نشانہ بناتے ہوئے کہا ہے کہ جو شخص خود کرپشن کی دلدل میں دھنسا ہے اسے ہر معاملے میں سکینڈل یا بدعنوانی نظر آتی ہے۔ اترپردیش کے شہر کانپور میں انتخابی ریلی سے خطاب کرتے ہوئے راہول گاندھی نے کہا کہ مودی جی جب بھی پریشان ہوتے ہیں اپنے مخالفین پر مختلف لیبل لگاکر کیچڑ اچھالنا شروع کردیتے ہیں۔ اب انہیں ہر معاملے میں سکینڈل اور گھپلے نظر آرہے ہیں۔ کانگریس اور سماجوادی پارٹی کا اتحاد بی جے پی اور مودی کو شکست فاش دے گا۔