حوثیوں کی طرف سے سعودی عرب پر داغا گیا ایک اوربیلسٹک میزائل تباہ کر دیاگیا

صنعائ(این این آئی)سعودی عرب کی فضائی دفاع کی ذمّے دار فورس نے پیر کی صبح فضا میں ایک بیلسٹک میزائل کو تباہ کر دیا۔ یہ میزائل حوثیوں کی جانب سے مملکت کے صوبے عسیر کے شہر خمیس مشیط کی سمت داغا گیا تھا۔ادھر سعودی افواج کی جانب سے سرحد پر عسکری کارروائیوں کا سلسلہ جاری ہے جن کا مقصد حوثی عناصر کو سعودی عرب اور یمن کے درمیان سرحدی علاقے میں دراندازی سے روکنا ہے۔