ایک مفکر نے لکھا کہ طاقت کا استعمال بزدلی کی دلیل ہے لفظ طاقت کی لغت میں سفاکیت بربریت جیسے الفاظ ہوتے ہیں اور پیار محبت اور ہمدردی جیسے الفاظ نہیں ہوتے اور طاقت کے خلاف صف آرا ہونا بھی طاقت کو کمزور کرنے کے مترادف ہے حبیب جالب اس رستے کے مسافر تھے جنہوں نے واضح کیا کہ آمریت اور طاقت دراصل تصویر کے دو رخ ہیں اور جن کا مقصد کمزور کو دبانا اور ان کی حقوق تلفی ہوتا ہے اسی حوالے سے انہوں نے اپنی نظم میں اداکارہ نیلو کی اسی آمریت کے خلاف آواز پر آمریت کو بے نقاب کیا اداکارہ نیلو کے نواب آف کالا باغ کی مقتدرین کی محفل میں رقص پر انکار اور اصرار کرنے پر خواب آور گولیاں کھانے پر لکھی گئی نظم نے نہ صرف ایوانوں کو جھنجوڑ کر رکھ دیا بلکہ انہیں قید وبند کی صعوبتوں کا بھی سامنا کرنا پڑا اس واقعہ کے بعد سے نیلو بیگم کے عروج اور قدر ومنزلت میں مزید اضافہ ہوا حبیب جالب کی اس نظم کو بعد میں فلم زرقا میں شامل کیا گیا لازوال شہرت پانے والی اداکاہ نیلو بیگم کی وفات پر صدر فلم فیڈریشن فلم سٹار شاہد نے ان کی خدمات کو خراج تھسین پیش کرتے ہوئے کہا کے ان کی خدمات کو ہمیشہ یاد رکھا جائیگا انہوں نے اپنی محنت لگن اور صلاحیت سے اپنا نام بنایا فلم زرقا بلاک بسٹر ثابت ہوئی اور حبیب جالب کی نظم فلم کا حصہ بن گئی حبیب جالب ایک انقلابی اور عوامی شاعر تھے جنہوں نے واضح کیا کہ سفاکیت کی کبھی جیت نہیں ہوتی اور وہ لوگ جراتمند اور باکمال ہوتے ہیں جو ان مظالم کے خلاف ڈٹ جاتے ہیں اور اس کے نتیجے میں ملنے والی تکلیفوں کے سامنے حوصلے کا مظاہرہ کرتے ہین لہذا وہ نہتی لڑکی کا ذکر کرتے ہوئے برملا کہہ اٹھتے ہیں کہ
رقص زنجیر پہن کر بھی کیا جاتا ہے
تو کہ واقف آداب غلامی ہے ابھی 
حبیب جاب کی اکثر نظمیں اسی المیہ بے نظیرکی طرف اشارا ہیں اور اس جہاد کے رستے پر چلنے والے لوگ تکلیفوں اور صعوبتوں کو خاطر میں نہیں لاتے اور سچے اور کھرے مسافر ہی اس آزمائش پر پورا اترتے ہیں۔ 
بے نظیر بھٹو کے حوالے سے لکھتے ہیں
ڈرتے ہیں بندوقوں والے
ایک نہتی لڑکی سے
 حبیب جالب نے جہاں حق اور صداقت کی روایت برقرار رکھنے کی کوشش کی وہاںقلم کو بطور جہاد استعمال کرتے ہوئے معاشرے میں ان آمرانہ رویوں کی استعماریت کی اصل حقیقت واضح کردی نیلو بیگم آج ہم میں نہیں لیکن وہ اپنی یاد گار فلموں مثبت رویوں اور باکردار سوچ کی وجہ سے ہمیشہ یار رکھی جائیں اور بقول صدر فلم فیڈریشن شاہد حمیدان کی فلمیں فلم انڈسٹری کے لئے لازوال اثاثہ ہیں۔
٭…٭…٭