مظلوم کشمیریوں کا لہو ضرور رنگ لائے گا، صاحبزادہ محمود

حیدر آباد  (نامہ نگار) جمعیت علماء پاکستان سندھ کے نائب صدر صاحبزادہ محمود احمد قادری ،ڈاکٹر محمد یونس دانش، پیر سیدسعید احمد چشتی سنگھانوی ،عبدالروف الوانی،محمد رضوان شیخ ،،حافظ غلام سرور امینی ،ڈاکٹر سید عارف اللہ شاہ ،قاری محمد اعظم ،ملک عبدالشکور،علامہ رجب علی سکندری نے پریس کلب حیدرآبادکے سامنے ریلی سے خطاب کرتے ہوئے کہا کہ مظلوم کشمیریوں کا لہو ضرور رنگ لائے گااورکشمیر میں آزادی کا سورج جلدطلوع ہوگا74سالوں سے کشمیری آزادی کی جنگ لڑے رہے ہیں کشمیری ماؤں ،بہنوں، بچوں اور بزرگوں کو سلام پیش کرتے ہیں جو ظلم کی چکی میں پس رہے ہیں اورآزادی کی جدوجہد ہر قیمت پر جاری رکھے ہوئے ہیںوہ پاکستان کیلئے قربانیاں دے رہے ہیں قائد اعظم نے کشمیر کو پاکستان کی شہ رگ کہا تھاکشمیر سے بہنے والے دریاؤں پر ہندوستان ڈیم بنا کر پاکستان کا پانی روکنا چاہتا ہے کشمیریوں کی جدوجہد کی وجہ سے آج تک بھارت کامیاب نہیں ہو سکا ہے۔