عمران خان کرسی چھن جانے کا ماتم  کررہا ، کشمیریوں کیلئے آواز اٹھانے کی توفیق نہ ہوئی:اشرف بھٹی 

لاہور(نامہ نگار) پیپلز پارٹی لاہور کے سنیئر نائب صدر محمد اشرف بھٹی نے کہا ہے کہ عمران خان دن رات تو اپنی کرسی چھن جانے کا ماتم کررہا ہے مگر ا س کو کشمیریوں کیلئے اسی رفتار سے اپنے دور حکومت میں آواز اٹھانے کی توفیق نہ ہوئی۔ اس نے اپنی حکومت میں اعلان کیا تھا کہ وہ کشمیریوں کے ساتھ اظہار یکجہتی کیلئے ہر جمعہ کو ایک گھنٹہ کھڑا رہا کرے گا، مگر اس کو ایسا کرنے کی بھی توفیق نہ ہوئی لیکن اپنی حکومت کے خاتمے کا ماتم تو اس نے رمضان اور عید کے موقع پر بھی جاری رکھا تھا۔