گکھڑمنڈی(نامہ نگار)امرت پورہ کے قریب جی ٹی روڈپر ایوری ڈبہ، کار اور ٹیوٹا کے تصادم میںایک شخص جاں بحق 6زخمی، زخمیوں کو ڈسٹرکٹ ہسپتال داخل کروا دیا گیا۔ ایوری ڈبہ میں سوار ایک ہی خاندان کے ارسلان، فوزیہ بی بی، مسرت بی بی، محمد صدیق، محمد سلیم اپنے رشتہ دار کو عمرہ کی ادائیگی کے بعد ایئرپورٹ سے واپس لارہے تھے کہ امرت پورہ کے قریب کار جس میں عادل مشتاق، رانا محمد اظہر سکنہ احمد نگر سوار تھے ایوری ڈبہ سے ٹکرا گئی اسی دوران عقب سے آنے والا ٹیوٹا ڈالہ بھی ٹکرا گیا جس سے محمد سلیم ہسپتال جاتے ہوئے جاں بحق ہوگیا جبکہ دو خواتین سمیت 6افراد زخمی ہوگئے۔