پاکستان ‘افغانستان کے درمیان ٹی ٹونٹی سیریز مارچ میں ہوگی 

 لاہور(سپورٹس رپورٹر) پاکستان اور افغانستان کے درمیان ٹی20 سیریز رواں سال مارچ کے آخر میں ہوگی۔پاکستان کرکٹ بورڈ  مینجمنٹ کمیٹی کے سربراہ نجم سیٹھی نے سوشل میڈیا پر اپنے پیغام میں کہا ہے کہ دونوں ٹیمیں شارجہ میں 3 ٹی20 انٹرنیشنل میچز پر مشتمل سیریز کھیلیں گی۔افغانستان کا دورہ آسٹریلیا منسوخ ہونے پر متبادل مصروفیت کے طور پر سیریز شیڈول کی گئی ہے۔ا افغانستان کو ایشین کرکٹ کونسل ریونیو میں برابر حصہ دینا خوش آئند فیصلہ ہے ہم اسکی مکمل حمایت کرتے ہیں۔قبل ازیں گزشتہ ماہ جنوری میں افغان کرکٹ بورڈ نے پاکستان کرکٹ ٹیم کے ساتھ ون ڈے سیریز کھیلنے کیلئے پی سی بی سے رابطہ کیا تھا۔ کرکٹ آسٹریلیا کی طرف سے افغانستان کیساتھ کھیلنے کے انکار پر افغانستان کرکٹ ٹیم کے پیسر نوین الحق نے بگ بیش لیگ ادھوری چھوڑی دی تھی۔