لاہور(سپورٹس رپورٹر)پاکستانی وکٹ کیپر بیٹر محمد حارث نے کہا ہے کہ اللہ نے بابر اعظم کیساتھ ان کی اوپننگ بیٹنگ کی خواہش پوری کردی۔ حارث نے زلمی اور گلیڈی ایٹرز کے درمیان نمائشی میچ میں کپتان بابر اعظم کیساتھ اوپننگ پر کہا کہ اللہ نے بابر بھائی کیساتھ میری اوپننگ بیٹنگ کی خواہش پوری کردی، میں اس کیلئے بہت پرجوش ہوں۔ امید ہے کہ بابر کیساتھ نمائشی میچ میں کریز پر زیادہ وقت گزاروں۔ یہ پاکستان کیلئے اچھا ہے کہ نمائشی میچ کوئٹہ میں ہواہے، پی ایس ایل پورے پاکستان کیلئے ہے ،ہر شہر میں اس کا میچ ہونا چاہیے۔حارث نے کہا کہ میں دعا گو ہوں کہ یہ میچ کامیاب ہو اور اگلے سال پی ایس ایل کے میچز کوئٹہ میں بھی ہوں۔