میچ کے بعد وہاب ریاض نے افتخار احمدکو گراؤنڈ کے باہر پکڑ لیا

لاہور (سپورٹس رپورٹر)پاکستان سپر لیگ کی ٹیم پشاور زلمی کے فاسٹ بائولر وہاب ریاض نے نمائشی میچ کے بعد کوئٹہ گلیڈی ایٹر کے افتخار احمد کو گراؤنڈ کے باہر پکڑ لیا۔ وہاب ریاض اور افتخار احمد میچ کے بعد خوش گپیاں کرتے نظر آرہے ہیں۔وہاب ریاض افتخار احمد کو پکڑ کر کہتے ہیں کہ میری بات نوٹ کرلیں یہ جو شرٹ پہنے ہوئے ہیں یہ پی ایس ایل میں مزید نہیں چلے گا، جس پر افتخار احمد ہنستے ہوئے نظر آتے ہیں۔پشاور زلمی کے وہاب ریاض ساتھی کھلاڑیوں کے ساتھ افتخار احمد کی بیٹنگ پر تبصرہ کرتے ہوئے کہتے ہیں کہ میں نے انہیں  پاؤں پر گیند  مارنے کی کوشش کی تھی مگر انہوں نے یارکر پر بہت اچھا چھکا مارا۔ مجھے چھکے مارنا بہت بڑی بات ہے اور اس سے کھانا اس سے زیادہ بڑی بات ہے۔انہوں نے افتخار احمد کی تعریف کرتے ہوئے کہا کہ ان کی بیٹنگ انتہائی شاندار ہے۔ میچ کے دوران افتخار احمد نے ناقابل یقین شارٹس کھیلے اور اپنی مہارت دکھاتے ہوئے انتہائی حیرت انگیز بیٹنگ کا مظاہرہ کیا۔ میں تھوڑا مایوس ہوا، مگر آپ کی بیٹنگ دیکھ کر بہت خوش ہوں۔ ایسا ہی کھیلتے رہیں۔