راولپنڈی (اپنے سٹاف رپورٹر سے) کمیٹی چوک میں واقع میرج ہال میں سہیلیوںکے درمیان بیٹھی دلہن پر ایک نوجوان نے فائرنگ کردی دلہن زخمی ہوگئی، مری روڈ پر تھانہ وارث خان کی موبائل وین میں بیٹھے پولیس اہلکار فائرنگ کی آواز پر میرج ہال میں پہنچ گئے اور حملہ آور کو گرفتار کرلیا ،وقوعہ کی اطلاع ملتے ہی ڈی ایس پی مرزا طاہر سکندر پہنچ گئے اور گرفتار ملزم اویس کو تھانہ منتقل کردیا،پولیس نے بتایا کہ ملزم اویس نے تفتیش میں بتایا کہ وہ تھانہ ائرپورٹ کے علاقے شاہ خالد کالونی کا رہائشی ہے وہ دلہن سے ٹیوشن پڑھتا تھا اور وہ دل میں پسند کرتا تھاملزم لڑکی کی شادی پر رائل میرج ہال پہنچا جہاںدلہن سٹیج پر اپنی سہیلیوں کے درمیان بیٹھی تھی اچانک ملزم نے پستول سے دلہن پر فائرنگ کردی دلہن بازو میں گولی لگنے سے زخمی ہوگئی جسے فوری طبی امداد کیلئے ہسپتال منتقل کیا گیا جبکہ موبائل وین پولیس کی ٹیم نے ملزم کو موقع پر گرفتار کرلیا میرج ہال میں فائرنگ سے شدید خوف و ہراس پھیل گیاخواتین اور بچے اچانک فائرنگ کی آواز سے سہم کر رہ گئے پولیس نے بتایا کہ ملزم سے مزید تفتیش کی جا رہی ہے۔