ساحلی جزیرے پردوستانہ فٹ بال میچ،ایڈمنسٹریٹرزاہدابراہیم بھٹی مہمان خصوصی

کراچی(اسپورٹس رپورٹر)جزیرہ بابا پر فشر مینز کوآپریٹو سوسائٹی اورپاکستان رینجرز سندھ(قلندر ونگ) کی جانب سے کوئلہ گراونڈمیں ایک دوستانہ فٹ بال میچ کا انعقاد کیا گیا۔میچ کے دوران دونوں ٹیموں نے بھرپور طریقے سے ایک دوسرے پر تابڑتوڑ حملے کیے۔شائقین نے فٹ بال میچ کو بہت انجوائے کیا۔ایڈمنسٹریٹر فشر مینز کوآپریٹو سوسائٹی زاہد ابراہیم بھٹی،پاکستان رینجر سندھ قلندر ونگ بریگیڈئر توقیر انورخان اورکرنل صفدرنے میچ میں فتح حاصل کرنے والی ٹیم کوٹرافی دی۔جبکہ فٹ بال میچ کے تمام کھلاڑیوں کی حوصلہ افزائی کے لیے انہیں میڈل پہنائے گیے۔اس موقع پر ایڈمنسٹریٹر زاہد ابراہیم بھٹی نے کہا کہ پاکستان رینجرز سندھ کے تعاون سے فشر مینز کوآپریٹو سوسائٹی کھیلوں کے میدان سجا کر کھلاڑیوں کی حوصلہ افزائی کا سلسلہ جاری رکھے گی۔اس سے نوجوان نسل کو صحت مند ماحول کی فراہمی اور کھیلوں کے فروغ میں بڑی مدد ملے گی۔