بینک آف پنجاب اور لاہوربینالے فاؤنڈیشن کے مابین شراکت داری معاہدہ

لاہور (کامرس رپورٹر) فن اور ثقافت کو پروان چڑھانے کیلئے بینک آف پنجاب نے لاہور بینالے فائونڈیشن کیساتھ شراکت داری پر اتفاق کیا۔ الحمراء آرٹس کونسل میں  ایل بی اے کے تیسرے ایڈیشن کی افتتاحی تقریب میں مفاہمتی یادداشت(MoU)  پر دستخط کیے گئے۔ تقریب میں وزیراعلیٰ پنجاب محسن رضا نقوی ، سیکرٹری اطلاعات و ثقافت، پنجاب دانیال سلیم گیلانی ،صدر اور سی ای او – بی او پی ظفر مسعود ، ایگزیکٹو ڈائریکٹر، الحمراء طارق محمود، چیئرپرسن ایل بی ایف نازش عطاء اللہ ، رضا علی دادا ،ایگزیکٹو ڈائریکٹر ایل بی ایف قدسیہ رحیم ، ڈائریکٹر جنرل پی ڈبلیو سی ایچ اے اے کامران لاشاری ودیگر نے شرکت کی۔تقریب میں سی ای او بینک آف پنجاب ظفر مسعود نے فنون لطیفہ کے فروغ کیلئے کارپوریٹ تعاون کی اہمیت پر زور دیا۔ ایل بی اے کی ایگزیکٹو ڈائریکٹر قدسیہ رحیم نے بینالے کے انعقاد پر بینک آف پنجاب کا شکریہ ادا کیا۔