8فروری کو غیور عوام انتخابی نشان مور پر ٹھپہ لگا ئےں گے،حاجی ظفر اقبال

راولپنڈی( اپنے سٹاف رپورٹرسے)آٹھ فروری کو پی پی 11کے غیور عوام انتخابی نشان مور پر ٹھپہ لگا کر کامیاب بنائےں گے ان خیالات کا اظہار آزاد امیدوارپی پی11 حاجی ظفر اقبال نے لالہ رخ کالونی چکری روڈ میں کارنر میٹنگ سے خطاب کرتے ہوئے کیا انہوں نے کہا ہے حلقے کے مسائل کی وجہ سے الیکشن کے میدان میں اترے ہیں۔حلقے کے عوام کو تنہا نہیں چھوڑیں گے۔ اللہ کی مدد اور عوامی حمایت سے کامیاب ہو کر عوام کے زخموں پر مرہم رکھیں گے اور تمام مسائل کو عوام کی دہلیز پر حل کرےں گے۔پانی ،بجلی ،گیس، صحت اور تعلیم کے مسائل حل کرنا ہماری پہلی ترجیح ہے۔قبرستانوں کے لیے زمین عطیہ کر چکے ہیں جلد میت بس بھی چلائیں گے۔آج پاکستان میں عام آدمی دو وقت کی روٹی کے لیے بھی پریشان ہے مہنگائی عروج پر ہے انشا اللہ منتخب ہو کر پنجاب اسمبلی مین اپنا احسن کردار ادا کریں گے ۔