نیوزی لینڈ نے سری لنکا کوپانچواں ون ڈے ہرا کرسیریز جیت لی

ماؤنٹ ماؤنگینی(سپورٹس ڈیسک )نیوزی لینڈ نے سری لنکا کو پانچویں ون ڈے میچ میں 36 رنز سے شکست دے کر سیریز 1-3 سے اپنے نام کرلی۔نیوزی لینڈ نے مارٹن گپٹل کے 102 رنز کے بدولت سری لنکا کو جیت کے لیے 295 رنز کا ہدف دے دیا ‘ سری لنکا کی ٹیم 48 ویں اوور میں 258 رنز بنا کر آؤٹ ہوگئی۔نیوزی لینڈ کی جانب سے مارٹن گپٹل کے علاوہ قائم مقام کپتان کین ولیمسن اور روس ٹیلر نے 61،61 رنز کی اننگز کھیلی۔ سری لنکاکی ابتدائی 3 وکٹیں رنز پر گر گئیں تاہم کپتان اینجیلو میتھیوز اور دنیش چندی مل نے چوتھی وکٹ کی شراکت میں 93 رنز بنا کر سری لنکا کا سکور 126 رنز تک پہنچا دیا۔چندی مل 50 رنز بنا کر آؤٹ ہوئے۔سری لنکا کا سکور جب 252 رنز تھا تو کپتان میتھیوز بھی96رنز بناکر آؤٹ ہوگئے ۔نووان کلاسیکرا 15 رنز بنا کر آؤٹ ہوئے۔ سری لنکن ٹیم 47.1 اوور میں 258 رنز بنا کر آؤٹ ہوئی۔ میٹ ہنری نے 5 جبکہ ٹرینٹ بولٹ نے 3 وکٹیں اپنے نام کیں۔ہنری کو میچ کا بہترین کھلاڑی قرار دیا گیا۔