لاہور(سپورٹس رپورٹر+نمائندہ سپورٹس) پاکستان کرکٹ بورڈ کے زیر اہتمام جاری محکمہ جاتی ون ڈے ٹورنامنٹ کا پانچواں راونڈ مکمل ہو گیا ‘ واپڈا، سوئی سدرن گیس، ایچ بی ایل اور یو بی ایل نے کامیابی حاصل کی۔ واپڈا نے پی ٹی وی کو تین وکٹوں سے ہرایا۔ پی ٹی وی نے 300 رنز بنائے‘ سعود شکیل نے 94 رنز بنائے‘ واپڈا نے7وکٹوں پر 301 رنز بنا کر میچ جیت لیا۔ سلمان بٹ نے 102 رنز بنائے۔ سوئی سدرن گیس نے نیشنل بنک کو 9 وکٹوں زیرکیا۔ نیشنل بنک ٹیم 120 پر ڈھیر ہو گئی۔ اسوئی سدرن گیس نے ہدف 2وکٹوںپرپوراکر لیا۔ ایچ بی ایل نے کے آر ایل کو 6 رنز سے ہرایا۔ ایچ بی ایل نے8 وکٹوں پر 212 رنز سکور کیے۔کے آر ایل ٹیم 206 رنزپر ڈھیر ہو گئی۔ یو بی ایل نے سوئی نادرن گیس کو پانچ وکٹوں سے ہرایا۔سوئی نادرن گیس نے 6 وکٹوں پر 293 رنز بنائے۔ یو بی ایل نے ہدف 5 وکٹوں پر حاصل کر لیا۔ عمر اکمل نے 124 رنز کی اننگز کھیلی۔ عمر صدیق نے 73 اور صہیب مقصود نے 50 رنز سکور کیے۔