سڈنی(سپورٹس ڈیسک ) ایشزسیریز کے آخری ٹیسٹ میں آسٹریلیا نے پہلی اننگز میں دو وکٹوںپر193رنز بنالئے۔انگلش ٹیم کا سکور برابر کرنے کیلئے مزید 153رنز درکار اور 8وکٹیں باقی ہیں۔انگلینڈ کی ٹیم پہلی اننگز میں 346رنز بناکر آوٹ ہوگئی تھی۔آسٹریلوی اننگز کا آغاز اچھا نہ رہا اور بین کرافٹ بغیر کھاتہ کھولے‘ وارنر 56رنز بناکر پویلین سدھار گئے۔عثمان خواجہ نے کپتان سمتھ کیساتھ مل کر ناقابل شکست 107 رنز بناکرسکور 193رنز تک پہنچادیا۔