قطر اوپن ٹینس، ڈومنک تھائم، گائل مونفلس اور پیلا مینز سنگلز سیمی فائنل میں پہنچ گئے

دوحہ(آئی این پی)گائل مونفلس، ڈومنک تھائم اور گوئیڈو پیلا قطر اوپن ٹینس ٹورنامنٹ مینز سنگلز سیمی فائنل میں پہنچ گئے۔ قطر میں جاری ایونٹ میں کھیلے گئے مینز سنگلز ایونٹ کے کوارٹر فائنلز میں فرانس کے گائل مونفلس نے جرمنی کے پیٹر گوژووچ کو سٹریٹ سیٹس میں 6-3 اور 7-6(8-6) سے ہرا کر سیمی فائنل کیلئے کوالیفائی کیا، ٹاپ سیڈد ڈومنک تھائم نے ٹیسی ٹیسی پاس کو 7-5 اور 6-4 سے ہرا کر ایونٹ کے ٹاپ فور کے لئے کوالیفائی کرلیا۔ ایک اور میچ میں ارجنٹائن کے گوئیڈو پیلا نے باسک کو سٹریٹ سیٹس میں 6-2 اور 6-3 سے ہرا کر ایونٹ کے سیمی فائنل کے لئے کوالیفائی کرلیا۔