کراچی (سٹی ڈیسک)سربراہ سنی تحریک علامہ بلال سلیم قادری نے حضرت قطب عالم شاہ بخاری رحمتہ اللہ علیہ کے عرس کے موقع پر مزار پرحاضری دی اور فاتحہ خوانی کی ۔اس موقع پر بات چیت کرتے ہوئے ان کا کہنا تھا کہ اولیا اللہ کی صحبت اللہ اور اس کے رسول ؐکے قریب لانے کا بنیادی زریعہ ہے ،جب کہ اللہ کے پسندیدہ بزرگوں کی کرامات کا انکار بھی دنیا میں مختلف تکلیفوں اور عذابوں کا باعث بنتاہے ،اور جو اولیا اللہ اور بزرگان دین کا احترام کرتاہے اسے دنیااور آخرت دونوں جہاں میں اللہ کی محبت نصیب ہوجاتی ہے ،اس موقع پر سنی تحریک کے رہنمائوں اورکارکنوں کی بڑی تعداد بھی موجود تھی ،جنھوں نے علامہ بلال سلیم قادری کے ہمراہ حضرت قطب عالم شاہ بخاری رحمتہ اللہ علیہ کے مزار پر پھولوں کی چادرچڑھائی اور امت مسلمہ سمیت ملکی سلامتی کی دعائیں مانگی ۔