گجرات : ایف آئی اے کے چھاپے غیرقانونی طور پر لوگوںکو بیرون ممالک بھجوانے والے 3 ایجنٹ گرفتار

گجرات( نامہ نگار) ایف آئی اے ٹیم نے چھاپے مار کر تین ایجنٹوں کو گرفتار کر لیا۔ ایف آئی اے نے ملکوال کے سمگلر غلام رسول کوگرفتار کرلیا جو عرصہ دراز سے غیرقانونی طور پر لوگوں کو ایران، ترکی کے راستے یورپ بھجوانے کا دھندہ کررہا تھا۔ ریڈ بک میں شامل تھا، کھاریاں میں ایف آئی اے ٹیم نے چھاپہ مار کر عرفان ظفر الیاس جوگی، اختر علی سکنہ لوسر گرفتار کر کے ان کے قبضہ سے پاسپورٹ بھی برآمد کر لیے۔ ملزمان غیرقانونی طور پرلوگوں کو ترکی، گریس سمیت یورپ ممالک بھجوانے کا کاروبار کر رہے تھے۔