قصور میں فیروز پورروڈ پر باراتیوں کی تیز رفتار کوچ الٹ گئی، حادثے میں ایک خاتون جاں بحق جبکہ بچوں سمیت 14 خواتین زخمی ہوگئیں۔ریسکیو کے مطابق حادثہ فیروز پور روڈ پروڈانہ اسٹاپ کے نزدیک ایک موٹر سائیکل سوار کو بچاتے ہوئے پیش آیا۔ کوسٹر میں خواتین اوربچے سوار تھے۔ بارتیوں سے بھری کوسٹر قصور سے واپس لاہورجارہی تھی۔ ریسکیو ذرائع کے مطابق بچوں اور خواتین کو طبی امداد کیلئے ڈی ایچ کیو  ہسپتال قصور منتقل کردیا گیا۔