بلاول بھٹی کی دعوت ولیمہ ‘مصباح سمیت قومی کرکٹرز کی شرکت

لاہور( سپورٹس رپورٹر) قومی کرکٹر بلاول بھٹی کی دعوت ولیمہ کا لاہور میں انعقاد۔ دعوت میں ہیڈ کوچ مصباح الحق سمیت قومی کرکٹرز نے شرکت کی۔ قومی کرکٹر بلاول بھٹی کی دعوت ولیمہ لاہور گیریزن میں ہوئی جس میں عزیزو اقارب کے علاوہ ہیڈ کوچ مصباح الحق۔ ٹیسٹ ٹیم کے کپتان اظہر علی۔ قومی ٹی ٹوئنٹی ٹیم کے کپتان بابر اعظم کے علاوہ کامران اکمل‘ حسن علی‘باسط علی ظہور الہی‘ سمیع اللہ نیازی‘ محمد عباس‘ علی ترین‘سد علی‘ عزیز الرحمان‘قیصر عباس‘ نیئر عباس اور دیگر نے شرکت کی اور بلاول بھٹی کو زندگی کی نئی اننگزپر مبارکباد دی۔ دعوت ولیمہ میں انگلینڈ سے آئے کاؤنٹی کرکٹرزنے بھی شرکت کی۔ اس موقع پر دلہا بلاول بھٹی نے کالے رنگ کالائننگ والا کوٹ پینٹ سوٹ جبکہ دلہن نے سی گرین رنگ کا کامدار گاؤن سوٹ پہن رکھا تھا۔