اسلام آباد‘ ڈاکوؤں کی فائرنگ سے پولس اہلکار شہید

اسلام آباد (اپنے سٹاف رپورٹر سے) تھانہ لوہی بھیر کے علاقے میں ڈاکوئوں کی فائرنگ سے ایک پولیس اہلکار شہید ہوگیا۔ دو مسلح ڈاکو تھانہ رمنا کے علاقے میں شہری سے موٹر سائیکل چھین کر فرار ہوئے تھے جو تھانہ لوہی بھیر کے علاقے سے گزرے تو پولیس پارٹی نے ڈاکوئوں کا پیچھا کیا اور سواں گارڈن کے قریب ڈاکو روک لئے گئے اسی دوران ڈاکوئوں کے دیگر ساتھیوں نے پولیس پر فائرنگ کردی جس سے پولیس کانسٹیبل اسحٰق موقع پر ہی شہید ہوگیا۔