امریکہ میں 77ویں سالانہ گولڈن گلوبایوارڈز میں ٹام ہنکس کو ان کے 30 سالہ ایکٹنگ کیریئر پر”لائف ٹائم اچیومنٹ ایوارڈ سے نوازا گیا ہے۔گولڈن گلوب کی 77ویں تقریب امریکی ریاست کیلیفورنیا کے دی بیورلے ہلٹن میں منعقد ہوئی جس کی میزبانی ریکی گرویس نے کی، فلم اور ٹی وی کیٹیگریز میں 34 نامزدگیوں کے ساتھ نیٹ فلیکس پہلے نمبر پر رہا، ایوارڈ حاصل کرنے والوں میں بہترین موشن پیکچر ڈرامہ کا ایوارڈ ”1917“ جبکہ بہترین موشن پیکچر میوزیکل کا ایوارڈ” ونس اپان اے ٹائم ان ہالی وڈ “ نے اپنے نام کیا، اسی طرح موشن پیکچر ڈرامہ میں بہترین اداکارہ کا ایوارڈ رینی زیوگر کو فلم”جوڈی“ پر اور بہترین اداکار کا ایوارڈ اداکار جوکین فونیکس کو فلم ”جوکر “ پر دیا گیا،بہترین اداکارہ موشن پیکچر میوزیکل کا ایوارڈ اکوافینا کو فلم”دی فیئر ول“ اور اداکارکا ٹرون اگروٹن کو” راکٹ مین“ پر دیا گیا، بیسٹ سپورٹنگ ایکٹر(معاون اداکار ) کا ایوارڈ بریڈ پٹ کو فلم” ونس اپان اے ٹائم ان ہالی وڈ “پر دیا گیا، بہترین اوریجنل سکور موشن پیکچر کا ایوارڈ ہلڈر کو فلم”جوکر“ پر جبکہ بہترین ہدایتکار موشن پیکچر کا ایوارڈ سام منڈس کو فلم”1917“ پر دیا گیا۔لورا ڈرن”میرج سٹوری“ میں سپورٹنگ رول پر ایوارڈ اپنے نام کرنے میں کامیاب رہیں، بہترین سکرین پلے کا ایوارڈ فلم ساز کیونٹن ٹارنٹینوکو” ونس اپان اے ٹائم ان ہالی وڈ “ پر دیاگیا۔