لاہور سے کراچی جانے والی کارملتان کے قریب ٹرالر سے ٹکرا گئی،3 افراد جاں بحق 

 ملتان (این این آئی)لاہور سے کراچی جانے والی ایک کار ملتان کے قریب ٹرالر سے ٹکرا گئی، حادثے میں خاتون سمیت 3 افراد جاں بحق ہو گئے۔تفصیلات کے مطابق کراچی سے لاہور جانے والی کار ملتان میں ایم فائیو پر تحصیل جلال پور پیر والا کے قریب جھانگڑا پل پر ٹرالر سے ٹکرائی جس کے نتیجے میں کار میں سوار خاتون سمیت 3 افراد جاں بحق ہو گئے۔جاں بحق افراد کی شناخت اویس بٹ، احمد اور کرن اویس کے نام سے ہوئی ہے۔ریسکیو 1122 نے تین میتوں کو نشتر اسپتال منتقل کر دیا ہے، تینوں افراد کا تعلق کراچی سے تھا۔