راجستھان بھارتی جنگی طیارہ پاکستانی سرحد کے قریب گرکر تباہ

راجستھان (نوائے وقت رپورٹ) بھارتی فضائیہ کا مگ 21 طیارہ ریاست راجستھان کے سرحدی علاقے سورت گڑھ میں گر کر تباہ  ہو گیا۔ رپورٹس کے مطابق بھارتی جنگی طیارہ میں سورت گڑھ ائر بیس سے پرواز کے کچھ ہی دیر بعد آگ لگنے سے پاکستانی سرحد کے قریب گر کر تباہ ہوا۔ طیارے گرنے کے واقعے میں کوئی جانی نقصان نہیں ہوا اور حادثے سے قبل ہی پائلٹ نے محفوظ طریقے سے جہاز سے چھلانگ لگا لی۔ بھارتی فضائیہ کے مطابق حادثے کی وجوہات کے تعین کیلئے کورٹ آف انکوائری تشکیل دے دی گئی ہے۔