پولیس پارٹی پر حملہ‘ کانسٹیبل زخمی‘ ملزموں نے وردیاں پھاڑ دیں 

کوٹ چھٹہ(نمائندہ خصوصی)جھوک اترا. ملتان کے بیلف کے بطور امدادی جانے والی پولیس پارٹی پر مسلح ملزمان کا حملہ کانسٹیبل طارق شدید زخمی دیگر ملزمان کی وردیاں پھاڑ دیں بیلف اور ملازمان کو زدوکوب کیا مزید نفری طلب.مقدمہ درج ملزمان کی گرفتاری کے لیے چھاپے شروع.تفصیل کے مطابق جھوک اترا پولیس ایس آئی طاہر سلیم. اے ایس آئی مختیار احمد کانسٹیبل محمد طارق سمیت دیگر تھانہ جھوک اترا کے ملازمان گزشتہ رات موضع جھوک اترا کی بستی خان والا میں ملتان سے محمد حنیف بیلف کے ہمراہ امدادی طور پر بستی خان والا میں اقبال پتافی کے گھر دستک کے بعد بیلف امدادی پولیس کے ہمراہ گھر داخل ہونے پر ملزمان غلام سرورولد عبداللہ امین یاسین کلیم پسران غلام سرور اقبال ولد نہال. سعید ولد رمضان سعید ولد نواز. ہاشم ولد غلام قادر. مرید ولد نہال دیگر 12نامعلوم جملہ اقوام پتافی نے حملہ کردیا جس سے کانسٹیبل محمد طارق شدید زخمی ہوگیا جس سے سرکاری رائفل چھین کراسے کمرے میں محبوس کرلیا بیلف سمیت دیگر کو بھی شدید زدوکوب کیا گیا جس سے ملازمان کی وردیاں پھٹ گئیں بیلف کی بھی توہین کی گئی اس دوران واویلا پر مزید اہل محلہ جمع ہوگئے پولیس نے بڑی کوشش کے بعد زخمی جوان کانسٹیبل کو برآمد کرتے ہوئے ہسپتال ٹراما سنٹر ڈیرہ منتقل کیاگیا جسکی حالت تشویشناک بتائی جارہی ہے.ادھر جھوک اترا پولیس نے مقدمہ نمبر 2/21 بجرم 382 .324.353.186. 337 H2. 148/149 کے تحت ایس آئی  طاہر سلیم کی مدعیت میں درج کیا گیا ہے.تاہم اس وقوعہ کے باعث بیلف اپنی کاروائی محبوسہ برآمدگی میں بھی ناکام ہوگیا. سرکل بھر کی نفری طلب کرلی گئی تھی۔