ٹانک ، جنوبی وزیرستان میں آپریشن : 2 سپاہی شہید، 2 دہشتگرد ہلاک 

اسلام آباد(نمائندہ خصوصی) سکیورٹی فورسز نے خفیہ اطلاعات پر ڈی آئی خان‘ ٹانک اور جنوبی وزیرستان کے علاقے کوٹ کلی میں آپریشن کیا۔ آئی ایس پی آر کے مطابق فائرنگ کے تبادلے میں دو دہشتگرد ہلاک ہو گئے۔ سکیورٹی فورسز نے تین دہشتگردوں کو گرفتار کر لیا۔ دوران آپریشن ایک دہشتگرد نے ہتھیار ڈال دیئے۔ فائرنگ کے تبادلے میں سپاہی فرید اللہ اور سپاہی شعیب حسن شہید ہو گئے۔ دوران آپریشن ہتھیار‘ گولیاں‘ دھماکہ خیز مواد اور راکٹ برآمد کر لئے گئے۔