لاہور(سپورٹس رپورٹر )بگ بیش لیگ کے ڈیبیو میچ کے پہلے اوور میں 3 وکٹیں لے کر تاریخ رقم کرنے والے پاکستانی سپیڈ سٹار محمد حسنین ایونٹ کا اگلا میچ نہیں کھیل سکیں گے۔شاندار بائولنگ سے دھوم مچانے والے 21 سالہ پیسر کے سامنے کرونا پابندیاں آ گئیں، وہ کوئزلینڈ میں ایس او پیز کی وجہ سے ٹیم کیلئے دستیاب نہیں ہوں گے۔ایڈیلیڈ سٹرئیکرز کیخلاف حسنین نے پہلے اوور میں تین وکٹیں اڑادیں اور چار اوور میں انیس رنز دیئے تین شکار کیے۔نوجوان فاسٹ بائولر بگ بیش لیگ میں سڈنی تھنڈرز کی نمائندگی کر رہے ہیں اور اب وہ کل پرتھ سکارچرز کیخلاف سفری پابندیوںکیلئے دستیاب نہیں ہوں گے۔ تھنڈرز کا کہنا ہے کہ نوجوان بائولر وقفے کے بعد ہفتے کے آخر میں ملیبورن کے مقام پر ٹیم کو جوائن کریں گے۔