لاہور(سپورٹس رپورٹر)پاکستان کرکٹ بورڈ انتظامیہ نے پاکستان سپر لیگ کیلئے کرونا ایس او پیز تیار کرلیے۔ذرائع کے مطابق  20 رکنی سکواڈ میں سے میچ کیلئے 12 فٹ کھلاڑیوں کی ضرورت ہوگی اس لیے سکواڈ میں 8 کے کروناٹیسٹ مثبت آنے پربھی میچ ہوسکے گا البتہ 9 کھلاڑیوں کے ٹیسٹ مثبت آنے پر میچ نہیں ہوگا۔پی ایس ایل کے دوران ہوٹل کے سکیور ببل میں 25 سے 30 اضافی کھلاڑی رکھنے کی تجویز دی گئی ہے جبکہ کوئی کھلاڑی کرونا کا شکار ہوا تو اسے 10 دن کیلئے آئسولیٹ کردیا جائے گا اور کرونا مثبت کھلاڑی کا متبادل سکیورببل میں موجود کھلاڑیوں سے لیا جائیگا۔ذرائع کے مطابق کراچی اورلاہورکے درمیان چارٹرڈ فلائٹس میں ایک وقت میں دو ٹیمیں سفرکریں گی۔ذرائع کا بتانا ہے کہ جمعرات اور جمعہ کو سپلیمنٹری ڈرافٹ میں ہرٹیم مزید دو دو کھلاڑی منتخب کرے گی۔ذرائع کے مطابق پی ایس ایل میں جنوبی افریقہ کے کھلاڑی بھی پورے ٹورنامنٹ کیلئے دستیاب ہوں گے۔