لاتعداد خوبصورت اشعار کے خالق  رسا چغتائی کی چوتھی برسی منائی گئی

کراچی(پی پی آئی)شہر کراچی یاد ہے تجھ کو تیرے شب بیداروں میں ،کوئی رسا چغتائی بھی تھا یار ہمارا یاروں میں ،جیسے لاتعداد خوبصورت اشعار کے خالق مرزامحتشم علی بیگ المعروف رسا چغتائی کی برسی 05جنوری کو ان کے چاہنے والوں نے منائی وہ 05جنوری 2018کو کراچی میں انتقال کر گئے تھے ،رسا چغتائی 1928میں سرائے مادھوپور راجستھان میں پیدا ہوئے۔ 1950ء  میں ہجرت کرکے پاکستان چلے آئے۔ مختلف اداروں میں ملازم رہے۔ روزنامہ ’حریت‘ کراچی سے بھی وابستگی رہی۔ حضرت بینش سلیمی سے تلمذ حاصل تھا۔ حکومت پاکستان نے ان کے ادبی خدمات کے اعتراف میں 2001ء میں انھیں صدارتی ایوارڈ برائے حسن کارکردگی سے نوازا۔ ان کے  مجموعہ ہائے کلام’ریختہ‘، ’زنجیر ہمسائیگی‘، ’تصنیف‘، ’چشمہ ٹھنڈے پانے کا‘، ’تیرے آنے کا انتظار رہا‘ آج بھی ادبی حلقوں میں مقبول ہیں