مورو دادو روڈ پر داد شاخ کے قریب  گنے سے بھری ٹریکٹر ٹرالی الٹ گئی

ہالانی(نامہ نگار)دو ٹریفک حادثات کار سوار خاندان اور ٹریکٹر ٹرالی ڈرائیورجانی نقصان سے محفوظ، درس بائی پاس پر پیچھے سے ٹرالر کی ٹکر لگنے سے وہاں کھڑی ہوئی کار سامنے ٹرک میں جا گھسی، اس حادثہ میں کار سوار افراد جانی نقصان سے محفوظ رہے، درس پولیس کے مطابق حادثہ ٹرالر ڈرائیور کی نااہلی سے پیش آیا پولیس مزید تفتیش کررہی ہے، دوسری طرف مورو دادو روڈ پر داد شاخ کے قریب گنے سے بھری ٹریکٹر ٹرالی الٹ گئی تاہم ٹریکٹر ٹرالی ڈرائیور اور دیگر لوگ معجزانہ طور پر محفوظ رہے، کورائی پولیس کے مطابق حادثے میں جانی نقصان نہیں ہوا لیکن ٹریکٹر ٹرالی سٹرک کے بیچ الٹ جانے سے مورو دادو روڈ پر ٹریفک کی آمد و رفت متاثر ہوئی ہے۔