ضلع بھر میں آٹا کی فراہمی بلاتعطل جاری ہے:ڈاکٹر ظفر اقبال 

شیخوپورہ(نمائندہ نوائے وقت)ڈسٹرکٹ فوڈ کنٹرولر ڈاکٹر ظفر اقبال نے کہا ہے کہ ڈپٹی کمشنر طارق علی بسراء کی ہدایت پر ضلع بھر میں آٹا کی فراہمی بلاتعطل جاری ہے حکومتی سبسڈی پر دیا جانے والا آٹا تمام سیلز پوائنٹس پر روزانہ کی بنیاد پر مہیا کیا جارہا ہے جس کا باقاعد ہ اندراج اور مانیٹرنگ کی جارہی ہے سبسڈی پر فراہم کئے جانے والے آٹا کی بلیک میں فروخت روکنے کیلئے مربوط اقدامات کئے جارہے ہیں آٹا کی بلیک میں فروخت کے مرتکب دکانداروں کے خلاف کارروائیاں کی گئی ہیں ۔