14 برس قبل ڈی ایس پی کی والدہ کو قتل کرنے والا انٹر پول کی مدد سے گرفتار 

گوجرانوالہ (نمائندہ خصوصی) سی آئی اے پولیس نے 14سال قبل سابق ڈی ایس پی کی والدہ کو قتل کرنے والے ملزم کو انٹر پول کی مدد سے گرفتار کر لیا۔ ملزم بدر منیر نے گھر میں ڈکیتی کی واردات کے دوران سابق ڈی ایس پی سید اقبال شاہ کی والدہ کو گلہ دبا کر قتل کر دیا اور سعودی عرب فرار ہو گیا تھا۔ سی آئی اے  ٹیم نے جدید ٹیکنالوجی کا استعمال کرتے ہوئے انٹرپول کی مدد سے اشتہاری  بدر منیر کو گرفتار کر لیا۔ سی آئی اے کی ٹیم نے نوشہرہ ورکاں میں نوجوان کو قتل کرنے کے بعد بیرون ملک فرار کی کوشش کرنے والے ملزم عاشق کو بھی حراست میں لے لیا ہے۔