آئی سی سی پلیئر آف دی منتھ کیلئے نامزدگیوں کا اعلان، بابر اعظم بھی شامل

 لاہور(سپورٹس رپورٹر)انٹرنیشنل کرکٹ کونسل نے دسمبر 2022 ء کیلئے پلیئر آف دی منتھ کی نامزدگیوں کا اعلان کر دیا۔ پاکستان کے بابر اعظم کو بھی شامل کیا گیا ہے۔بابر اعظم نے دسمبر 2022 میں چار ٹیسٹ میچز میں 65.37 کی اوسط سے 523 رنز بنائے تھے۔یاد رہے کہ بابر اعظم اس سے قبل بھی دو مرتبہ پلیئر آف دی منتھ ایوارڈ جیت چکے ہیں۔مینز پلیئر آف دی منتھ کیلئے بابر اعظم کے علاوہ انگلینڈ کے ہیری بروک اور آسٹریلیا کے ٹریوس ہیڈ کو بھی ایوارڈ کیلئے نامزد کیا گیا ہے۔خواتین کی کیٹیگری میں سوزی بیٹس، چارلین ڈین اور ایشلے گارڈنر کو نامزد کیا گیا ہے۔