سندھ سے سینیٹ کی خالی نشست پرضمنی الیکشن‘ نامزدگی فارم وصولی جاری

کراچی(اسٹاف رپورٹر) سندھ میں سینیٹ کی خالی نشست پر ضمنی الیکشن کیلیے کاغذات نامزدگی وصولی کا سلسلہ جاری ہے، فیصل واوڈا نے بھی دوبارہ الیکشن لڑنے کا فیصلہ کرلیا۔تفصیلات کے مطابق سندھ میں سینیٹ کی خالی نشست پر ضمنی الیکشن کیلیے فیصل واوڈا نے دوبارہ کاغذات نامزدگی حاصل کرلیے ،پیپلزپارٹی کے نثارکھوڑو نے بھی کاغذات نامزدگی حاصل کرلیے ،کاغذات نامزدگی 7 جنوری تک حاصل کیے جا سکتے ہیں ۔واضح رہے کہ سپریم کورٹ کے حکم پر فیصل واوڈا کے استعفے سے نشست خالی ہوئی تھی ۔