کباڑی کی دکان پر چھاپہ،20 مسروقہ موٹر سائیکلوں کا سامان برآمد

ہالانی(نامہ نگار)پولیس کا کباڑی کی دکان پر چھاپہ، 20 سے زائد مسروقہ موٹر سائیکلوں کا سامان برآمد۔ تفصیلات کے مطابق مورو پولیس تھانہ کی حدود میں بڑھتی ہوئی بدامنی پر  ایس ایچ او علی اکبر کھوکھر کی جرائم پیشہ عناصر کیخلاف کارروائی ،اطہر علی مستوئی نامی کباڑی کی دکان پر کارروائی کرتے ہوئے 20سے زائد موٹر سائیکلوں کے انجن، ٹینکی، ٹائر اور دیگر سامان برآمد کرلیا ، ایس ایچ او کے مطابق مورو پولیس تھانہ کی حدود میں بڑھتی ہوئی بدامنی پر مختلف کارروائیوں میں حاصل ہونے والی معلومات پرپولیس نے اطہر علی مستوئی نامی کباڑی کو گرفتار کرکے مسروقہ موٹر سائیکل کے پرزہ جات تحویل میں لے لیے۔
 جو تقریبا 20 گاڑیوں کے پرزہ جات ہیں، کباڑی کیخلاف مقدمہ درج کرکے مزید تفتیش کی جائے گی، دوسری طرف شہریوں کی ایک بڑی تعداد اپنی چوری، ڈکیتی کردہ موٹر سائیکلوں کے کاغذات لیکر پولیس تھانہ پہنچی تاہم پولیس نے جاری تحقیقات کے باعث تاحال موٹر سائیکل کیلئے جانے والے شہریوں کو معلومات فراہم نہیں کی ہیں۔