کراچی (اسپورٹس رپورٹر) کراچی ٹینس ایسوسی ایشن کے تحت چھٹی RMTA میکڈونلڈز نیشنل سینئرز اینڈ جونیئرز ٹینس چیمپئن شپ 14سے 20جنوری 2023 تک ڈی اے کریک کلب کراچی میں منعقد ہوگی۔ ایک ہفتہ طویل قومی چیمپئن شپ کا انعقاد رضا مرزا ٹینس اکیڈمی (RMTA)، میکڈونلڈز پاکستان کے زیر اہتمام اور PTF/STA اور KTA کے زیر اہتمام کیا جا رہا ہے جس میں جونیئرز 18 سنگلز اور ڈبلز، گرلز 18 سنگلز اور ڈبلز، بوائز انڈر 16 سنگلز اور ڈبلز، بوائز انڈر 14 سنگلز اور ڈبلز، گرلز انڈر 14 سنگلز اینڈ ڈبلز، بوائز/گرلز انڈر 12 سنگلز اور ڈبلز، بوائز/گرلز انڈر 10 ڈبلز ، سینئرز 35 پلس سنگلز، سینئرز 45 پلس ڈبلز اور سینئرز 55 پلس سنگل کیٹیگریز شامل ہیں۔ یہ پی ٹی ایف گریڈ ون ٹورنامنٹ ہے۔، تمام آؤٹ اسٹیشن مین ڈرا جونیئر کھلاڑی پی ٹی ایف کے قواعد کے مطابق اکانومی کلاس ریلوے کرایہ اور ڈیلی الانسز کے حقدار ہیں۔
 انٹریز بھیجنے کی آخری تاریخ 11 جنوری ہے جو کہ محمد خالد رحمانی (ریفری)کو واٹس ایپ نمبر 0300 3607209 پر بھیجی جا سکتی ہیں۔ ٹورنامنٹ ڈائریکٹر رضا علی مرزا ہیں۔